韋斯咸前鋒安祖卡路爾今季只要夠「弗」上陣，都幾乎一定有表現，而回顧今季，佢話最難忘係喺打和阿仙奴3:3場英超連中三元，佢話嗰場比賽嘅英超波，𠵱家仲放喺屋企。不過，卡路爾就自爆話佢嘅另一半比莉竟然想賣走呢個咁有紀念價值嘅波：「比莉問我可唔可以將個波放上網度拍賣，我梗係話唔得啦！」