英超周日煞科戰，足智彩亦提供「入球大細」及「半場入球大細」新玩法，10場比賽均各開三個盤口；不過初步嚟睇，足智彩都將入球「大」賠率壓到好低，翻查英超近三屆煞科戰，大細並唔係一面倒，最叻13/14、12/13球季，以中位數2.5為準，開「大」都係六場，上季更加得五場，博晒「大」唔太值。不過都有好嘢，阿仙奴（圖）近三季煞科戰都贏，上季就主場數西布朗4:1，周日對住已經降班嘅維拉，應該可以開殺戒，揀最好分嘅3.5球/4球入球「大」，有2.05倍都唔錯。