前中國小姐趙哲妤(Uny)昨日被揭遭前男友騙財6位數字,加上跟有線主播合約完結,面對經濟困難,她被迫暫停學習唱歌及跳舞的演藝進修,變成失戀、失業、失財和失學,Uny更被發現要變賣名牌手袋解財困。
Uny早年曾在尖沙嘴經營美甲店,生意不錯,記者昨日致電她,問到是否會專注搞好生意?Uny說:「美甲店之前賣咗畀人。」她封嘴避談被舊愛呃錢內情,只是大呻:「好慘呀,冇咗好多錢,努力自食其力,好彩除咗工作,最近炒外滙有斬獲。」Uny曾跟富豪才俊Jeff外遊爆緋聞,對方可有伸出援手?她忽然失憶:「唔記得咗Jeff係邊個,佢都唔會幫我。」
採訪:楊定