【本報訊】賽馬會創意藝術中心（JCCAC）的租務問題於網絡上引起討論，對於場內最大租戶G.O.D.利用場地做貨倉，業內人士有所不滿。
記者訪問了G.O.D.創辦人楊志超有關問題，他坦言現時有四分一的地方是用來儲存供應商來貨，然後再分發到各大零售點；另外亦有部分位置是用來儲放創作用的原材料，但其實租約上沒有指明場地用途。
他強調：「我哋其實唔係一個貨倉，係keep嘢，每個office都有個地方儲物㗎啦，如果真係用嚟做貨倉，咁就好唔應該囉……真係嘥咗呢個位，呢度精神係用嚟做藝術……」
他指出，因G.O.D.為商業用戶所以租金會貴過其他租戶，「我哋其實係幫手subsidized（補貼） 緊呢個space（空間），其實呢度租應該貴過出面……貴過以前我哋喺長沙灣……呢度租金貴過倉，唔會畀咁貴租做倉囉！」
楊志超透露，當初是JCCAC邀請G.O.D.進駐，「差唔多係台柱！覺得我哋入嚟可以吸引到好多人。」
「有個時期呢度係租唔出，我哋都繼續堅持，如果嗰陣走咗，啲人又會鬧我地點解捨棄呢度，我地有份將呢度變成而家的JCCAC，啲人又想踢我地走，你唔覺得咁樣好唔公平咩？」他表示自己好喜歡JCCAC這個地方，因為有份建立出來，既然盡了應有的義務，亦應該有權利在此繼續扮演他的角色，亦都唔贊成因為G.O.D.喺度，所以奪取了其他藝術家的機會。
對於有部份藝術家認為，G.O.D.只屬商業活動，他表示過去20年一直用心保存香港文化，或者有好多人唔認同，覺得全是垃圾，但如果話他對香港藝術冇貢獻，「我覺得幾hurt囉！」他覺得外間有太多誤會，希望大家可以溝通下，亦觀迎大家預約到場參觀。
記者：張紫茵