【本報訊】到底JCCAC的租務如何運作呢？2008年開幕時，據了解136個單位招來逾600份申請，撇除約一成商業單位，其餘工作室以低於市價租金出租，當中90%予藝團及藝術家，另外10%以更優惠租金租予藝術學生/畢業生。
租約主要是一年或二年，自2010年起實行每年檢討租金的機制後並引起爭議。現時藝術學生/畢業生的一年固定租約，租金為每平方呎6.3元；而藝術家或藝團租約為每平方呎9元至9.4元。
據差估署公佈的今年3月份私人分層工廠大廈平均租金數據中，九龍區工廈平均租金為每平方米179元，即每平方呎約16.6元，換言之JCCAC的租金較市價平逾四成，因此吸引到不少本地藝術家等上樓；JCCAC去年續租政策檢討中提及，現時租務流轉率只有10%左右。
藝術家進駐輪候冊長
不願出鏡的租戶藝術家Joey認為，G.O.D.唔應該霸住JCCAC兩層位置，「換言之起碼有8個單位，當一個單位最少有兩個young artist入嚟，呢度有兩層，有幾多個young artist可以入到嚟，開展佢藝術生涯丫。」
他又認為，正正因為G.O.D.霸住咗兩層單位，加上已經有不少藝術家在此落地生根，令到有意租用JCCAC的waiting list勁長。「佢（GOD）做緊一啲同藝術相關嘅嘢咩，佢做緊同商業相關嘅嘢，應該去返PMQ囉（元創方）。」
他又指，不少藝術學生未畢業就開始申請，但等到畢業兩三年先有機會上樓，然後租約又最多只有2年，其後就要遷出，再輪候藝團及藝術家條隊。
「呢個制度係有啲奇怪。一個藝術學生，頭嗰幾個月用來裝修，再做幾個月嘢，咁又第二年啦，如果想發展你嘅藝術，又要再搵地方，都唔係一時三刻搵到……個制度無辦法幫到young artist囉。」
記者：張紫茵