陳法拉於2013年毅然離開無綫，又撞正她與Neway大少薛世恆離婚，最終法拉決定出走美國治情傷，兼自我增值，成功報讀紐約茱莉亞學院的戲劇碩士課程，她亦樂做全職學生。法拉將於7月與「男神」黃子華合演舞台劇《前度》，有指門票炒價已去到一萬元一張，可謂一票難求。
美國上fb
法拉昨日忽然在facebook玩直播，留言：「Last day second year！再見我的書桌！」原來昨日是法拉上學年最後一日，下學年要搬化妝間，所以想粉絲陪她一起執拾。化淡妝的法拉先介紹自己化妝間的位置，見法拉已經將部份個人物品放入行李箱，牆上還貼滿朋友和老師給她的卡和筆記。
對於這個陪着自己一年的化妝間，法拉說：「平時就會喺化妝間睇書、食飯、主要喺度休息。有啲唔捨得，呢個就好似係我嘅一個小天地！」有網民問她何時返香港？法拉說：「好快啦，呢幾日收拾行李，我就會返香港，排練我下一個節目，就係我嘅舞台劇，大家有冇買飛？買唔買到飛？係咁嘞，我執嘢，多謝大家嘅留意，bye bye！」
撰文：嵐山
