利物浦喺周四晚舉行球會頒獎禮，雖然今季羅拔圖法明奴表現好搶鏡，不過紅軍躉好長情，中場菲臘比古天奴成功衞冕球隊嘅最佳球員獎，同時獲得利物浦一隊球員先生、全季最佳入球及全季最佳表現獎，成為大贏家。至於安利簡恩則獲得最佳年輕球員。不過，紅軍球員喺頒獎禮之後都冇玩得好夜，因為佢哋除咗要準備下周日對西布朗嘅英超煞科戰之外，仲有就係下周三對西維爾嘅歐霸盃決賽。