上一則文章講到，《英國都市報》最近引述當地一項調查，訪問了2,000名父母，關於他們做父母最大的壓力，除了上集所述的10種壓力外，其實仲有以下呢幾樣：
11.確保孩子有專長或興趣
你都唔想仔女淨係識打機同玩iPad，所以千方百計都要鼓勵仔女學音樂或藝術。
12.孩子要求買最新款衣飾
受朋輩影響，幾乎個個孩子都想人有我有，做父母的都想設法滿足仔女慾望。
13.擁有一張溫馨家庭照
能夠擁有一張人人都覺得溫馨快樂的家庭大合照，其實意味父母做得很成功。
14.教導孩子不同的生活文化
往往想孩子見多識廣，變得開通，但其實都是說易行難的事。
15.識得親手造衫給子女
講就易，後生一輩的父母仲有幾多個識車衫？
16.識煮飯
就算未當父母前唔識煮飯，有小朋友後都自然會走去學，始終都想仔女日日有得食營養豐富又健康的愛心餐。
17.被看成很主動和活躍
冇父母想仔女女日日困在家做宅男宅女，如果想仔女性格活躍外向，做父母的最好自己玩埋一份，做個好榜樣。
18.與其他父母做朋友
去結識孩子好友的父母，大家一齊分享下教養之道都冇壞吖。
19.確保仔女同朋友有話題
孩子與人溝通的話題通常是來自日常生活，這視乎父母平時給予怎樣的生活。
20.在社交網站上塑造良好形象
潮流與呃like，人人都鍾意將生活事無大小放上網畀人睇，其他人的反應，其實好影響人的心情。
雖然調查所得的20種壓力，有啲睇落好似好無謂，有啲又好似係自己拎嚟煩，講到尾都係父母太在意別人對自己仔女的看法。老土都要講句，「養兒一百歲，長憂九十九。」真係一啲都冇誇張。
記者：黃子配