伊巴謙莫域同巴黎聖日耳門（PSG）到今季結束就約滿，周五佢喺自己twitter度透露，將會喺今季後走人。PSG喺周六法甲煞科戰會喺主場迎戰南特，伊巴喺twitter霸氣留言：「聽日係我最後一場喺王子球場踢嘅比賽，嚟嘅時侯我係王者，走嘅時候我就係傳奇。」現年34歲嘅伊巴𠵱家已經係球會入球紀錄保持者，聯賽煞科戰之後，一星期之後嘅法足盃決賽會係佢喺PSG嘅告別戰，但佢暫時未有透露下一站去向。