【本報訊】中原集團創辦人王文彥不贊成中原（香港）上市的一個原因，是中原在港已無對手，指對手美聯集團近5、6年異常積弱，已不是一個威脅，「新紮師兄」Q房網更不消提。
對於被指已不是中原對手的美聯集團亦作出反擊。集團董事總經理黃子華指，每間公司入賬方式不同，美聯是上市公司，賺蝕可從業績反映。而行家上市一事雷聲大雨點小，「好似劉翔跳第一個欄就扭親」，唔係交晒文件上市不成，而是連準備上市都搞不成。如果準備充足，上上下下齊心搞上市不成，「都叫非戰之罪」。中原是次上市不成，反映股東之間的爭拗、管理上的分歧，足以影響公司發展。
Q房網：各有各做
黃子華指美聯是唯一上市地產代理，一間公司可以上市要整個集團理念一致。「上市規管嚴，條例清晰，大眾對公司信心明顯大啲」。未來將會繼續吸納新血加入美聯，「話畀人知做上市公司都威啲，外界信心都大啲」。
Q房網香港區董事總經理陳坤興回應指，「人地講咪由得人講，自由社會，各有各做」，又指大有大做，細嘅（公司）可以做大……但大嘅一樣又可以越來越差」，他強調，「多啲公司、多啲競爭、多啲就業機會」，是好事，期望可繼續增加市佔率。