由澳洲男星基斯咸斯禾夫（Chris Hemsworth）扮演嘅「雷神」深入民心，佢嘅大隻身形喺荷李活圈中幾乎冇人能及。原來要做雷神，或者做雷神替身，一啲都唔簡單。來自倫敦嘅特技人Bobby Holland Hanton為基斯擔任替身多年，喺《雷神2》、《巨鯨傳說》、《白雪公主復仇記》等為都係做基斯替身。
同基斯差唔多身形嘅Bobby外形都唔差，佢最近受訪透露，做雷神替身係件好辛苦嘅事。Bobby話基斯本身已經好大隻，好似只係望住啲啞鈴就可以變大隻，所以Bobby平時要日食35餐，每星期去健身6日、每日去做2次gym，又要戒口，連出去同朋友聚會都可免則免，犧牲咁多先可以谷得咁大隻。
Bobby又大讚雷神私底下係好友善同埋好風趣嘅人，佢哋兩個成日合照，好好朋友咁。