【本報訊】早前工聯會、新民黨等7位屯門區議員聯署，要求擱置大嶼山東灣莫羅瑞華學校遷入屯門山景邨2B區的興建計劃；監察屯門區議會行動組昨日趁屯門區議會會期示威，要求道歉及撤回反對聯署。該7名區議員並無現身接信，事後有議員表示委屈，又有指事件「唔係歧視」、「道乜嘢歉」。
記者：葉偉東
監察屯門區議會行動組昨日於屯門區議會示威，要求7名議員撤回反對莫羅瑞華學校遷入屯門山景邨2B區興建計劃的意見書，以及向群育學校師生道歉。惟7名議員並無現身接收請願信。
團體召集人嚴天生認為議員對特殊學校、弱勢社群認識不深和存有誤解，直指他們「有時間去中電、馬會嘅飯局，但冇時間去視察群育、特殊學校」。嚴又擔憂再覓地或需更多時間，拖慢重建進度。
稱選址「三尖八角」
其中一名區議員鄉事派陶錫源昨日出席區議會會議時，辯稱此事「完全冇歧視，我唔會歧視任何人」，又反問記者「道乜嘢歉」。提到會否撤回反對書，陶指有待教育局處理，又避答是否支持學校搬入屯門、有否到校參觀，終以趕時間為由推開咪高𥧌後離去。
屯門區議員新民黨朱耀華亦拒絕道歉，「我一直冇反對佢哋（群育學校）搬入來，仲好支持，只係覺得個選址唔好，政府冇理由畀個咁三尖八角嘅選址出嚟嘛」，並指「其實我哋為間（群育）學校做多咗嘢，但之後竟然畀大家責罵，我覺得我哋都係有冤無路訴」，又說「確實係委屈咗我哋」。惟朱卻表示未曾到東灣參觀，亦未有向政府提議更好選址，僅表示「政府應該做多啲嘢」。
無回應即去信平機會
記者翻查教育委員會文件，政府曾於3月10日到屯門山景舉行諮詢會，結果僅有少數委員關注交通問題及重置施工期間的環境問題，並無任何提及「三尖八角」、「選址不適合校方」的紀錄。
召集人嚴天生稱：「我哋會畀一個星期時間佢哋（7名議員），如果佢哋唔回應，我哋會去信平機會，要求平機會調查吓佢哋有冇涉及歧視同違規」。平機會回覆查詢，指根據聯合國《兒童權利公約》、《殘疾人權利公約》及本港《殘疾歧視條例》，「所有學童，無論殘疾與否，都應享有平等權利接受教育，發揮潛能」，如接獲投訴將會按既定程序調查。