【本報訊】中原未能上市，中原集團主席兼總裁施永青指對香港業務影響不大，預計上半年仍會賺錢。但內地業務受到其他行家挑戰，已失落內地的代理龍頭地位，並指自己失策，令內地市佔率下降。
早前樓市低迷，中原第一季見紅，首兩個月更錄得共約6,000萬元虧損，不過最近兩個月已收復失地。施永青預料，由於新盤開售持續，今、明兩個月都有錢賺，上半年一定有錢賺，下半年則仍要觀察樓市走勢。他認為，近兩個月樓市成交量仍少，但扭轉見紅頹勢，因為發展商推盤積極，加上又以高佣金促銷，令集團佣金收入增加。「現時一手佣金已經有2.5%，比做二手高，未來發展商為去貨，佣金將會在2.5%至3%」。
承認內地發展失策
至於近年內地多個地產代理中介急速發展，中原在內地的已失去龍頭位置。「大陸公司勝在錢多，係咁開分店，分店數目仲多過中原超過一倍以上！佢哋買賣收半佣、租唔收佣，根本唔能夠賺到錢」。
施永青承認內地業務近年發展失策，令龍頭位置被取代。「估唔到大陸啲人用互聯網買樓，而且趨勢轉變得咁快，中原喺手機、互聯網上面做得慢係事實」。