郭思琳的兩位星級教練Mike Powers和Cola Chan都大讚思琳有毅力，Mike更因欣賞思琳的用心及誠意：「睇到佢內在潛質，裏面有一隻老虎仔，見佢精神上比體力上更有戰鬥力，好努力咁去打比賽，以佢為榮。」
被思琳形容為地獄教練的Cola，經常給予不可能的任務：「佢最初力量同肌肉都唔夠，要不斷加負重磨練佢意志，其實有啲set嘅動作，連我都覺得辛苦，但佢好叻，最終都成功。」是否經常弄哭思琳？他笑說：「佢成日都喊。」Mike則稱：「落場打就冇人理，即使受傷都有一日會好番。」
蹲低起身
做蹲低起身動作，加上槓鈴杆增加負重量，可鍛煉全身肌肉，有助心肺及爆炸力。
提臀練腹
將上半身躺在椅背上，以腳踭作支撐點，將臀部慢慢向上提高，可在髖骨位置放上槓鈴杆增加負重量，鍛煉臀、腹及腰背下及小腿位置。
練爆炸力
將手貼住肋骨，前後腳穩定作半蹲狀，使勁一下推起鐵桿，有助直拳的爆炸力。
轉手出拳
用重力帶綁腰，後腳盡量向下，跳步一、二然後轉手出拳，但步幅不用太大。
躺地舉重
全身躺在地上，單手舉起啞鈴，借用腹部力向上推，但手要直，另一隻手肘可作為輔助，此動作主要訓練腹肌，打MMA時亦可以此動作反擊。
（以上動作，每組10至20下，視乎個人體力）
