全球票房勁收七億幾美元的《死侍：不死現身》（Deadpool），打破限制級（R-Rated， 17 歲及以下觀眾須由家長陪同觀賞）必定影響票房的定律。你夠膽踩界，觀眾夠膽入場，不過我都係嫌佢唔夠mean，下集出力啲啦喂！
電影公司或者終於發現限制級反而更能引觀眾乖乖買票，所以明年上映的《狼人3》（Wolverine 3）都會是限制級！Hugh Jackman早前已經講到明係最後一次飾演狼人，唔通電影公司想盡地一煲，要狼人有所突破？製作人Simon Kingberg早前就進一步確認電影級別，更提到：「電影會好暴力，有點像西部片，會同以前很不一樣。」你講到咁，粉絲當然渴望睇到超激進、勁大膽的畫面，希望佢唔係為咗呃期待咁講啦！
不過雖然《死侍》大收旺場，不過《狼人》的拍攝手法始終好唔同，希望新作唔好刻意玩偏鋒搶票房。網民就覺得《狼人》無論乜級都係萬變不離其宗，仲話：「唔通會變色狼咩………」咁又啱！
電影預計於2017 年3月3日上映。
記者：葉青霞
資料來源：Playlist