話說噚日聯通（762）公佈，財經雜誌《金融亞洲》舉辦嘅「2016年度亞洲最佳管理公司評選」中，聯通獲專業投資者選為「亞洲最佳管理公司——電信、科技及媒體行業」第一名。舊年9月先由中電信（728）過檔做董事長兼首席執行官嘅王曉初就獲選為中國最佳首席執行官第一名。選舉係由亞洲地區過百名基金經理與分析員投票選出結果，王總喺中電信嘅年代，王總同中電信都係呢個選舉嘅常客，聯通就比較少見。點知王總一過檔，就即刻帶挈聯通攞獎，班評審明顯係投票畀王總喇。真係誰能代替佢地位。