【本報訊】近期車位頻拆售，但炒燶車位好弊翳。有買家去年以203萬元連環買入鰂魚涌南豐新邨兩個車位，其中一個車位原本兩日賺18萬元，但交易告吹，其後向財務公司承造按揭上會，終無力還債，兩車位淪為銀主盤，開價較買入價低20%及42%，本月底拍賣。
資料顯示，鰂魚涌南豐新邨停車場LG3樓68號車位及211號車位，由姓范買家分別以85萬元及118萬元買入，其中68號車位原本買入兩日後以103萬元易手，極速賺18萬元。
但最終買家撻定，交易告吹，隨後向財務公司貸款上會，最終無力償債，雙雙被銀行沒收。
另外，炒家林子峰早前拆售香港仔華貴邨停車場車位，市場現約三個摩貨，叫價較買入價高約一成，惟一手貨未沽清，暫未聞摩貨交易。