打波遇上地震，你會點？香港女子壁球隊噚日喺台北出戰亞洲壁球團體賽，對日本嗰陣咁啱遇上宜蘭地震，台北震度達三至四級，教練趙詠賢喺fb話：「打打吓比賽feel到地震都係第一次，仲要打孖一朝兩次。」好彩地震冇震散港隊，歐詠芝、陳浩鈴同何子樂先後贏波大勝3:0，暫列小組首名，今日對中華台北。至於由亞洲冠軍歐鎮銘領軍嘅男隊，今日八強會對新加坡。