韓國女團少女時代（少時）成員Sunny，近日疑似被隊友秀英唔小心放咗張換衫相上網，好彩影唔到啲乜嘢，唔係真係被人睇蝕晒。其實Sunny一向好大方，唔介意晒有料身材，好似早排之嘛，佢就飛咗轉峇里幫雜誌《SURE》影相，要泳裝有泳裝，要事業線有事業線，要出水芙蓉look都有，真係令粉絲流晒鼻血。
完成台灣演唱會後，日前少時已拉隊飛返韓國，不過見Sunny、泰妍同允兒出閘時冇乜表情，唔通太攰？另外，允兒嘅普通話水平越來越勁，佢日前上內地節目《快樂大本營》宣傳內地劇《武神趙子龍》時大晒特晒，連「最高最帥是我爹」都識講，真係叻女。