現年29歲的朱璇最近桃花好旺，早前被爆與湯臣集團的湯珈鋮拍拖，但最近傳遭好姊妹茍芸慧硬撬牆腳，令朱璇與湯珈鋮處於冷戰期。但日前朱璇又被人影到與陳法拉前夫、Neway大少薛世恆在街頭暗角調情。
齊齊捧黃長興場
朱璇昨日透過短訊回覆：「Sorry！我哋唔係夜蒲，只係去支持長興，喺嗰度撞到。」是否好多人追求？她說：「唔覺喔！」有傳與苟芸慧爭湯珈鋮？朱璇一笑置之：「哈哈，假的，不回應啦！」
有指朱璇上周五相約薛世恆到中環一間外賣小食餐車捧黃長興場，朱璇全程喪放電，一份小食兩份食。見朱璇落餐車，薛世恆想上前拖實朱璇，最終都縮開手，之後兩人去一個暗角談心，兩人最後逗留約半小時，沒有等黃長興收工便孖住離開。
薛世恆似乎對華裔小姐情有獨鍾，與陳法拉離婚3年後，前年被影到與廖碧兒到黃長興的餐廳撐枱腳，今次又被撞到約會朱璇。被指經常替薛世恆做媒人的長興昨在電話笑說：「唔係，成班friend嚟捧吓場箒。」薛世恆與朱璇是否經常到訪？他說：「我上次喺中環做嘢，都唔知佢哋過嚟。」
此外，葉澍堃兒子葉瀚華昨晚在中環出席洋酒活動，他曾被傳力追苟芸慧，他表示：「唔係，嗰日係一班朋友食飯。」他否認苟姑娘是他杯中茶，但就大讚對方：「佢份人OK㗎，佢鍾意揸車，有幫手整cocktail。」至於有傳朱璇與薛世恆交往，他表示：「我唔知，其實都係一班朋友一齊玩。」
採訪：嵐山、羅慧敏
攝影：陳志嵐
