2016年只是經過了三分之一，香港社會荒謬的事件已經日日新鮮，令到不少香港人想移居離開，但偏偏擁有日本居留權的「日本通」香港人陳方藤(下稱Meter)，卻選擇留在香港推廣拉麵。
記者：余傲芝、吉吉 攝影：廖達燊
爸爸是日本華橋，當年17歲的Meter出國留學時便順利成章選擇了日本，最後入了亞世亞的大學選修法律。由於很多從事電視與媒體行業的朋友知道他獨自在日本生活，便叫他介紹吃喝玩樂好地方。久而久之他喜愛發掘新事物，亦會幫助他們籌劃拍攝日本資訊節目，「慢慢就知道自己的使命感，就係向香港人介紹日本嘅好嘢！」，一步一步就變成眾人眼中的「日本通」，連不少明星如陳奕迅、周秀娜等都跟Meter遊日。
Meter最喜歡的日本事物其中一樣就是拉麵，因此四出覓食，便知道很多關於拉麵的情報，「其中有幾間我好鍾意，我就諗如果遲啲有機會，可以將佢地嘅真正味道帶嚟香港就好啦！」，結果到目前為止Meter已經在香港擁有四間不同主題的拉麵店，而近日亦引入海鮮丼專門店。
人生有一半時間在日本生活的Meter，除了體會到港人同日本人的不同之處，還令他深感在香港生存的難處與限制。「香港好單一」，他一語道破香港的飲食生態，全因租金成本問題。「你會唔會願意用一百萬，去做市面上未曾發生的事？你唔會。通常由原本創意行先會變成金錢行先，驚蝕錢咪做啲大家做緊嘅嘢囉，穩陣嘛」。Meter卻偏偏喜歡創新，「做完豬骨湯麵，做沾麵，再做二郎系」，所以只好在深水埗等租金相廉的地方開舖，但仍然身同感受同行的壓力，「有時令到人的意智越來越薄弱，第一個月好有熱誠，第二個月要交十萬蚊租金，那你怎麼辦？」
面對香港這樣的環境，Meter有沒有考慮過離開香港回日本？「其實我有得揀，我有日本居留權嘛，唔使諗咁多，聽日就可以飛返去」，不過話口未完，他又繼續：「 我都係鍾意同香港人相處多啲，始終我係本土出生，十七十八歲先過日本，其實都係一個香港人。我明白你講咩，feel到你feel嘅嘢，走唔甩嘅！」
或者我們都有千百個原因想離開這個地方，而留下來的理由只需要一個就足夠。
*記得留意【男煮人系列】另外兩位：蛋牛治外賣店老闆伍文生，以及即將出街的《好酒好蔡》主理人蔡昊
相關文章：
【男煮人系列】娛圈撈極冇人識 吱吱鼠伍文生烘出彩虹
http://bit.ly/1QXZ0mN