我哋《蘋果波經》收到風，足智彩會喺今個周末嘅比賽，喺「入球大細」（圖）方面有啲新搞作。至於係啲乜？聽聞係喺一場比賽入面有多幾個選擇畀球迷，就以車路士主場對李斯特城呢場英超為例，「入球大細」中位數本來得一個，多數係2.5球，但新玩法推出之後，個大細中位數就會多咗幾瓣，例如係1球/1.5球、1.5球、2球/2.5球等，賠率亦會因應中位數而唔同。想了解多啲同埋究竟點玩，記得聽日買份《蘋果》睇吓嘞。