【本報訊】日前有署名「皇仁良心教師聯盟」組織引用皇仁書院校內教師投訴信，稱昨日於皇仁書院發起集體佩戴黑絲帶默站抗議行動，反對校長李瑞華行政失當、專業失德，惟活動未有實行。李回應指不清楚該組織身份，又對被指推翻教職員就「生涯規劃津貼轉為助理教育主任」投票結果違反程序解釋：「冇咁嘅事，係想同事了解清楚先解釋兩者分別，再投票。」
記者：葉偉東
皇仁良心教師聯盟日前引述校內教師何達基致函皇仁書院學校管理委員會主席黎錦棠的投訴信，指李校長於3月就何時將生涯規劃津貼轉為聘用助理教育主任一事舉行全體教職員投票，疑因不滿教職員選擇「2016/17學年」選項，不接納投票結果，於同日召開緊急會議，要求教師就同一議題再投票。聯盟日前亦呼籲默站抗議，惟未見有人響應。
何達基回覆本報查詢，確認曾致函投訴李校長不尊重同事選擇意向及犯了程序上的錯誤，亦承認曾將信轉寄全體教師，惟他澄清並無發起抗議，「我冇將信寄去畀任何學生，同時唔呼籲學生咁做（默站），始終呢件事係校政問題，唔牽涉學生福祉，我覺得可以喺校政層面處理」。對於李違反程序，何指「校長到𠵱家都冇同我傾過」，又稱「只要佢承諾以後唔會咁做其實就冇問題」。
校長：再投票解釋分別
校長李瑞華回應何的投訴，解釋舉行第二次投票的原因，是「因為第一次投票好多老師都揀咗不適用，所以想知道老師點解咁揀，於是再同佢哋清清楚楚解釋兩者分別」。
李指解釋過後大部份教師轉投另一選項「2017/18學年」，「不適用」選項票數亦大減。李稱她對議題無特定偏好，亦無參與投票，向教師解釋僅為「我本人覺得最緊要係清晰」。
李又指何達基未曾向其投訴，「有唔同意見唔出奇，最重要係保持良好溝通」，稱此事或反映同事間溝通不足，同時歡迎同事、舊生、家長反映意見。至於昨日校內未見默站行動，李直言：「唔知對方（皇仁良心教師聯盟）係咩，同事都摸不着頭腦。」