“Happy Birthday！”不經不覺，經典動漫角色《櫻桃小丸子》已經30歲喇！
點睇都唔覺呢位永遠讀三年級嘅小妹妹，轉吓眼就變成中女。不過，小丸子同一班好朋友，以及爺爺、爸爸等一眾屋企人，永遠係大家心目中嘅長青笑彈。為咗慶祝小丸子生日，全球首間「櫻桃小丸子爆米花專賣店」專程揀咗佢生日前開張。推出六款爆谷，除了極具人氣嘅焦糖、特濃奶油及香濃芝士味外，還有腰果酥脆焦糖及杏仁酥脆焦糖等，不過最特別當然係用嚟裝爆谷嘅鐵罐，全部都有小丸子或其他主角嘅嘜頭，非常可愛。以後去台北玩，唔使次次都買鳳梨酥、太陽餅，又多樣手信選擇喇。
櫻桃小丸子爆米花專賣店
地址：台北市大安區永康街4巷12號
交通︰永康商圈東門捷運站5號出口，步行約五分鐘
記者︰黃依情
