【ViuTV專訪】ViuTV真人騷《煮吧！換咗我阿媽》自播出以來引起極大迴響，3對來自不同家庭背景、性格的母子和母女，在節目展現最真的一面。在今晚10點播出的最後一集《煮吧！換咗我阿媽》中，3對換了阿媽的母子和母女將為「爭奪冠軍寶座」進行最後對決，這個看似是簡單親子烹飪的真人騷，其實內含不少洋葱，親子關係的背後，同時帶出不少令香港父母值得反思的教育和社會問題。
撰文：楊潔雯
區媽媽試過喺街俾人鬧
3個家庭為節目不遺餘力，尤其是半職主婦游媽媽帶着愉快的心情跟女兒Vanessa參加比賽，想不到會帶來反效果，她說：「我試過喺街度俾人鬧，話我多嘴！講粗口鬧我同認得我，我打個突，低頭行同忍，冇諗過節目迴響咁大，3個師奶加3個𡃁妹𡃁仔點解咁多人睇？我𠵱家戴口罩出街，希望快啲過、快啲完。」
經此一役，游媽媽有所領悟，但仍然堅持不會後悔：「我一路以為自己好funny，原來人哋覺得我好煩，我一路以為自己係好開心嘅人，原來唔係，我睇番電視都覺得好乞人憎。節目後我都有反思，個女14歲，終有一日佢會出國，佢會做人媽媽，原來佢好純真，佢冇經歷，我冇畀佢跌過。今次經歷咁多嘢，我都經歷好多。」
曾媽媽獄長真情剖白
曾媽媽被14歲女兒Jojo冠以「獄長」惡名，可想而知，曾媽媽家教嚴苛。曾媽媽將在節目真情剖白，卻被質疑做戲：「我哋唔係專業演員，邊有咁好戲？我覺得呢個係我對劇組嘅信任，原本唔係喊得咁犀利，編劇問我係咪疏忽咗啲女？曾幾何時佢哋都有夢想，係冇時間諗，只係適應香港生活，佢話我有時間再嚟過，但其實我冇時間，嗰個位係將我20年嚟做媽咪嘅壓力釋放晒出嚟。好多嘢我用原則、理性方法處理，但造成好多傷痕，放咗喺心入面唔知。
區媽媽護子直率要分寸
區媽媽是最受歡迎的媽媽類型，溫柔賢淑、跟仔女亦師亦友，但是17歲囝囝Kenny在其他人眼中是冇大冇細，Kenny說：「有時講嘢直接，唔識調整番，其他媽咪用佢同仔女方式溝通，官階咁，未必好朋友咁。」區媽媽認為兒子會有所得着：「我諗佢想表達佢係直率，用嘅語氣同詞彙，聽到會唔鍾意，覺得佢係寸，但佢心入面唔係嗰種意思，習慣咗嘅溝通方式，要面對一個新相識嘅媽咪，唔適應，唔知自己講錯說話要調整番。拍攝之後，佢有返嚟同我講，長時間對住屋企人，講嘢會毫無保留，喺出面世界要有分寸。」
