黃宗澤（Bosco）昨日在尖沙嘴出席日本品牌運動服Descente演繹夏季新裝，親身示範收身秘技，手持啞鈴做掌上壓等動作鍛煉收腹。
Bosco與日籍女模Jun戀情浮面後承認互相了解中，昨日直認冇時間拍拖，他說：「冇得了解，佢唔喺香港，咪唔了解住先囉。」何以不飛去日本找女友，為港爭光遠征海外？Bosco笑言：「我唔係民族大英雄，唔使喇。同佢個半月冇見面，但有訊息聯絡。」他又坦言異地戀難維繫。有沒有掛念對方？Bosco竟然說：「了解吓先，唔好成日問我，問到我面都紅埋。」無綫小生花旦傾向離巢結婚生仔，Bosco表示沒有心郁郁，搵錢為首。
採訪：卓寶花
攝影：仇志德