江若琳(Elanne)上年同內地演員曹雲金合作拍戲撻著，昨日仲亦大方承認戀情，叫大家祝福佢哋。不過大家都未祝福得切，佢男友就被翻舊史喇！曹雲金除咗被指脾氣火爆，有多次打架紀錄。有認識曹雲金嘅知情者仲同《蘋果》爆料，話佢係典型土豪，最鍾意晒身家：「佢人緣麻麻，身邊圍住嘅都係要靠搵食嘅人，佢可以話係典型土豪，除咗金錶，最鍾意戴鑽石錶，一啲都唔覺浮誇。」也有知情者指，曹雲金一向多女埋身，最鍾意就係去澳門豪賭：「次次賭親都幾百萬上落，除咗賭錢就最鍾意去夜總會，咁有錢人就係咁0架啦，有錢就有女啦！」
