巴拿馬文件出台後，傳媒爭相搜尋究竟有乜中共高官、政治人物、超級富豪開設離岸公司、有冇收埋啲唔俾人知嘅海外資產，不過文件全部用英文名，好似八方見過有英文拼音似係「陳婉嫻」嘅人，仲有一個係拼音「Zhang Xiao Ming」嘅大陸人，手上持有一間離岸公司，咁啱中聯辦主任張曉明嘅英文拼音又係「Zhang Xiao Ming」喎，唔通小明都有離岸公司？
不過有政圈好事之徒話，大陸叫張曉明或張小明嘅人，隨時有一百幾十萬甚至更多，巴拿馬文件個「Zhang Xiao Ming」，未必就係西環個「Zhang Xiao Ming」，當然，小明有冇持有離岸公司，西環係唔會答傳媒，不過中紀委巡視組正喺港澳系統進行巡查研調，小明可以唔同香港傳媒交代，但如果中紀委問佢，怕且都冇得唔答啩！