張總訪港，約見什麼人？
一，頭位，曾一哥。明明說自己退休後只想搵份義工，一蚊人工都肯制。忽然由一蚊變一百萬年薪，退休後仍然咁堅，張總都想借鑑，絕世筍工，唯香港獨有，真．港獨！
二，黎明。關公技巧咁掂，阿爺交帶，要急急照肺，睇吓黎天王啱唔啱禮賓府的萬能插蘇位。連張總都頂圖闖禁區不遂的龍蝦唔順！
三，吳得掂。每個月睇三十本書？做官喎，傻的嗎？肯定有內幕，係咪跟銅鑼灣書店有一手？張總訓令：老吳，下個月以自己方式返回內地好好交代！
四，屯門仁愛堂x中學蔡校長。對廢青發炮，趕絕年青人，手段好熟面口。難道他是當年鬥人唔眨眼的紅衞兵失聯隊長？
至於唔想見的，有：一：炒薑那位部長，半夜開鑊，低章；不夠薑。二：富二代。呸！個個都有英國護照兼BVI，還擺出愛國款，孬種！三：三小姐！養隻狗崽更懂性些，眼冤！四：仆街鄉紳！當自己是土皇帝，還把習大大放眼內嗎？小資地主，走着瞧！