以下唔係少林足球情節，而係真真實實喺噚日發生嘅中國足協盃第三輪，中超嘅江蘇蘇寧作客以1:0擊敗武漢宏興（紅衫），賽後宏興唔服輸，喺「踢出風采、拼出風格」嘅橫額下，追打蘇寧班球員，國腳吳曦俾人起飛腳踢中，謝鵬飛同戈偉等俾人打到波衫爛晒。班主場球迷仲要火上加油，除咗向球員掟雜物，仲圍毆蘇寧嘅職員，真係以為睇緊《古惑仔》。蘇寧話，佢哋已經第一時間報警，向中國足協上報；足協都話事態嚴重，會嚴肅處理。