特首梁振英前日出帖，邀請部份立法會議員出席下周三歡迎人大委員長張德江晚宴，要求議員事先提供近照及大量個人資料畀執法機關，做法引起多名泛民議員不滿，認為安排係侮辱民選議員。人民力量議員「慢必」陳志全同「大嚿」陳偉業（圖），噚日就決定玩嘢反擊，話唔知前日收到聲稱由梁振英發出嘅請帖，係咪真係由特首梁振英發出，所以噚日向梁振英發出編號PPD7689表格，要求對方填寫，以確認發帖人身份，「佢（梁振英）要我哋點確認，我哋就要佢點確認。」唔知梁振英今次又會否接招，填表確認番發信人嘅特首身份？