王維基竟然考慮從政，佢走入政制最終目的係咩，要等吓多啲人放風先知。香港電視（1137）股價往往會無啦啦傳發牌有希望而炒起一日，然後跌返落去。所以喺呢段期間，相信港視會多咗炒作機會，要不時睇實佢快炒一棍。
有人由商人變傳媒人，有人就不斷努力用「傳媒」牌頭去搵錢，所以是日要推美克國際（953）。美克國際早前獲「中國梅鐸」黎瑞剛入股，近日獲股東通過，公司改名做「邵氏兄弟」。「邵氏兄弟」呢個品牌，可以話係華人嘅文化娛樂歷史上重要名詞，單係呢個名，已夠召集中港炒鬼嘅注意。
另外，黎瑞剛收購美克大計，原本有預騰訊（700）、陳國強咁，但被聯交所以「現金公司」條款阻截，逼黎瑞剛最後自己收購美克29.55%。首先，相信黎瑞剛對美克嘅大計非常之宏大，如果唔係唔會搵騰訊一齊玩。以佢嘅實力，相信佢會用自己方法，更闢途徑，達到佢原本嘅大計，發揮佢同騰訊嘅協同效應。早前佢都搵咗樂易玲入board，相信會有越來越多關於發展嘅消息。更重要係佢入股成本每股1蚊，目前股價只係高成本價未到兩成。「中國梅鐸」喎！你唔會認為呢個名只值兩成啩？趁佢啱啱改名，買定等開餐！
Fifi
http://www.facebook.com/lovefrystock
本欄逢周四刊出