劉嘉玲、陳奕迅（Eason）、徐濠縈、梁詠琪和楊千嬅等昨晚在沙田出席領賢慈善基金舉行的晚宴「Monet, Monet」，嘉玲被問到「巴拿馬文件」資料庫披露她曾於2002年至2007年期間，擔任英屬處女島（BVI）註冊公司Cheers More Holdings的中介人，對此她一頭霧水，反問內容後再說：「我冇留意今日啲新聞，我嘅財務係由BVI公司安排，我唔希望將成件事帶到去唔正確嘅方向，變成非法，我嘅財務係有正常嘅安排，係個奉公守法嘅人。」她表示稍後會再了解。
身家夠退休
問嘉玲會否知道自己有多少身家時，她說：「真係唔知，我冇計幾多個零，不過我隨時可以退休，我好有信心。但退休又可以做乜嘢呢？我覺得一個人唔可以唔做嘢。」笑問她大可以專心相夫？她說：「有相緊，邊相邊做，工作可以擴闊視野，令自己好開心，有時做嘢唔係話賺到幾多錢，只係想學多啲嘢，拎多啲經驗。」
Eason讚童童
同場吳千語被問到馬天佑當街小便一事，她表示男友林峯沒有嬲，她說：「佢哋兩個情同姊妹，嗰日已經知道俾人影咗，佢（林峯）仲好興奮唔知幾時出。」她此舉似乎支持馬天佑，她則說：「唔通瀨濕條褲咩。」
Eason早前表示欣賞王菲女兒竇靖童，他說：「佢真係好正好有型，唱歌嗰陣有阿菲影子，聽耐啲就有啲唔同，同埋佢唱英文歌好有外國人聲音。」問到會否讓女兒康堤和童童交流，他笑言：「都想㗎，不過佢哋兩個都怕醜，我都想同童童合唱。」問到不少人關注童童的性取向，Eason說：「香港讀者對呢方面特別有興趣，個心好open，但就怕醜。」問他若康堤和同性友人舉止親䁥，他可會介意，他說：「冇所謂，最緊要每人揀啱自己嘅路。」
採訪：羅慧敏
攝影：陳志嵐、陳順禎