曾經做過無綫和亞視的2003年港姐季軍戚黛黛即將成為人妻，前晚她獲拍拖3年多的副機師男友於峇里求婚，昨日黛黛接受本報訪問，聽到記者讚她的未婚夫靚仔時笑說：「我又唔會講佢靚仔，不過佢幾乖仔，最重要係錫我同錫我啲屋企人。」問到求婚的情況，她甜笑說：「噚（前）晚佢book咗喺沙灘食飯，成個沙灘得我哋，係一個即場求婚嘅surprise。」
不過戚黛黛笑稱求婚時發生蝦碌事：「佢求婚之後問我戴邊隻手指，最終戴咗無名指。之後畀張相屋企人睇，佢哋話我戴錯手指，戴中指先啱，大家都係比較緊張亂晒龍。」採訪：非非
