與性工作者一定只存在金錢與肉體的交易關係？咁又未必！美國Reddit網站有很多性工作者剖白，原來嫖客要求可以很光怪陸離，好多要求都與性交無關，怪要求背後還有心酸故事。關上門，人的慾望借性工作者解放，你情我願，沒有人可以站在道德高地指指點點。
1.扮美人魚
「佢有美人魚情意結，要我瞓喺地扮魚，扮到好似啲呼吸唔到典吓典吓咁，咁佢就可以嚟救我返去海洋世界入面。」
2.穿內衣吸塵
「佢要我着住內衣吸塵，但內衣唔係性感裸露款，亦唔需要做任何性感動作，真係吸塵。」
3. 擁抱
「我係個伴遊及脫衣舞孃，好多客人只要求我俾佢哋擁抱，等佢哋敞開心扉。」
4. 踢下體
「我唔係性工作者，不過有個男人曾經畀400美元我，要我踢佢下體，仲要我着住鞋踩佢全身，我有着衫嘅，我強調我唔係性工作者。」
5. 被sell橋畀意見
「佢每次去傾生意前都嚟搵我練習，我要記低重點再畀意見。佢係一個易服男，而佢要sell嘅正正係專俾男人着嘅裙。」
6.扮女友陪睇戲
「有啲男人只係寂寞，睇戲想有個伴。有個客要我扮佢女朋友出席派對，佢要我記住佢一啲生活細節，以防穿煲。」
7. 當按摩對象
「有個年輕亞洲男仔好似係讀反射療法之類，佢應該係太怕醜所以找不到人練習。我收足錢還得到很舒的按摩。」
8. 搔癢
「有個男人只係想我不停唧佢，逗佢開心。」
記者：葉青霞
資料來源：someecards
