「法國五月之夜」在今次快活谷賽事(11日)推向高峯，兩場重頭戲法國賽馬會錦標及法國五月盃一併舉行。
翻查對上五季同晚賽事，告東尼次次有馬贏，可見對今戰非常重視，而且近三季同日六匹打王牌之出賽馬，更取得三勝兩位一第五佳績，今期練者替「非常堅」及「綫路神駒」打王牌報名上陣，料屬馬房出擊重心所在。
第七場三班1800米，「非常堅」今季四次出爭快活谷賽事，獲兩勝兼未失獎金，其中上仗初跑谷草2200米，大半程被頂在三叠望空位置競跑，劣勢下末段竟然仍可頂住大熱門「凱明神駒」之衝刺勝出，五歲北半球馬現正處於大熟大勇階段，贏完仲打王牌，反映幕後求添食之決心，有力贏今季第三Win。
至於另一匹王牌馬第二場五班1800米「綫路神駒」，出道以來十戰雖然未嘗一勝，不過六次跑獲第二，未獲幸運之神眷顧才仍未開齋，上仗入Q後難得唔加分，轉跑對手較弱之谷草兼換雷神，隨時可以打開勝利之門。