中銀香港（2388）大概3個月前組建fintech（金融科技）部門，叫網絡金融中心，搵咗副總經理譚極明擔任主管，佢係做個人銀行出身，不過強調自己有科技背景，因為佢大學係學整原．子．彈！
譚極明其實都係講笑，想同科技拉近距離。佢憶述，上世紀80年代時，學生對兩個物理學範疇都相當有憧憬，包括天體物理，同埋原子物理，當時都仲係謎團，屬於科技嘅春天，佢於是就考入清華大學讀核子學。
但佢畢業後，一直喺銀行各大部門任職，話𠵱家問番佢對原子彈嘅認識，應該同華華差不多，佢話冇做科學家有啲後悔咁話喎。
譚極明來港差唔多6年，佢希望幫中銀提升科技，下半年會揀幾間分行，推指紋認證試點，然後會諗將blockchain應用喺匯款上。
唔知佢嘅原子彈知識，幫唔幫到佢推爆炸性嘅銀行產品呢？