今年31歲的楊秀惠（Vivien）近年涉足做生意，前年開美容店，最近就開沙冰店，為搵銀絞盡腦汁。日前Vivien在中環置地high tea，同行還有一個眼大鼻高、與Vivien餅印般的女生，她們食了大約一個鐘，再由Vivien碌卡埋單走人。離開時，記者上前和她打招呼，她邊行邊說趕時間返廠拍劇，問她是否抽時間約朋友見面，她笑說：「佢係我細妹嚟㗎，呢幾日飛過嚟幫我睇住檔生意。」
其實去年暑假Vivien在灣仔會展租了個攤位賣自家美容產品，當時細妹楊秀靈（Fiona）都專程由大馬飛過來幫手，實行姊妹檔拍住上，有錢齊齊搵。
採訪、攝影：朱志聰