連詩雅（Shiga）昨日到新城接受訪問，對於未成年時拍下的寫真被翻出來，她表示當年有買一本留念，可惜遺失了，希望該網民能送一本給她，她說：「人大咗自然唔同，雙眼皮膠紙係偉大發明，我細個係雙眼皮，到11歲時變單，我14、15歲時學識貼住嚟瞓，起身又貼，兩年之後自然變番雙眼皮。」她指割雙眼皮是少事，但她本身連打針也怕痛，所以不敢做。
她笑指近年未有再獲邀出寫真，可能因身材不夠玲瓏浮凸。若要影性感相，最重要是三點不露兼有原因。被翻舊照會否影響心情？她說：「呢排練到刀槍不入，已經冇乜嘢感覺，抱住嘅心態係發生乜嘢事，都做好自己工作。」
採訪：馬建華
攝影：陳志嵐