五月九號就係賭王三房千金何超蓮嘅25歲生日，早前好姊妹G.E.M.(鄧紫棋)同李蘊準備同佢提早食飯慶祝，點知超蓮「放飛機」，前晚G.E.M.有工作在身，似乎冇同超蓮慶祝番，G.E.M.以「宇宙」嘅品味、配「快餐店阿姐」好鍾意嘅綠色眼影，戴上假金髮現身金魚街影寫真，呢個驚嚇螢光look，認真夠晒潮！
而超蓮原來都好搶…眼，前晚貼咗一張自拍相，留言：「祝我生日快樂！粉紅寶寶現身！」相中見超蓮笑得好甜，應該幾滿意呢個新髮色，有網民寫道：「蓮蓮生日快樂，這個髮色好適合你！」另一網民讚超蓮好美麗：「紫棋之前也有染過粉紅色的頭髮，生日快樂！」