新西蘭籍騎師寶遜嘅靚靚女友Emily，自上個月底跟從男友一齊嚟香港後，一直都好想搵份工，等自己唔駛咁悶，又可以擴闊生活圈子，佢曾經喺新西蘭馬會賽前節目《Trackside》做過記者1年，所以到港後亦渴望做番傳媒行業。
皇天不負有心人，Emily被馬會英文節目《Racing to Win》嘅監製睇中，請佢負責賽前騎練訪問，這天她處女返工，結果第一次獻給史卓豐，之後就追訪雷神，做咗兩個賽前訪問。
Emily冇訪問男友寶遜，佢有咁嘅解釋：「佢取得自己香港第一場頭馬後，到時我先訪問佢，我知道佢一定會有好多感受想分享。」
寶遜仲未開齋，難免有壓力，消息話佢好大機會入紙申請下季留港發展，梗要加把勁爭取成績，周三(11日)夜馬第六場四班1650米隻「金碧光芒」，喺新西蘭初出正由寶遜策騎跑第八，寶遜話已冇特別印象，但就睇過隻馬上仗同程由羅理雅衝入季軍輸唔夠一身位嘅片段，感覺佢潛力十足，今次羅理雅停賽，寶遜難得有得騎，佢話真係好想贏馬，然後接受女友Emily訪問，做番個情侶節目。