這天早上天氣惡劣，晨操期間突然由黃色暴雨，轉為紅色暴雨警告，其時未到7點鐘，跑道狀況非常惡劣，周圍都係積水，當席受薪董事和現場練馬師商量過後，決定全面封閉跑道，暫停晨課。現場馬匹於是作鳥獸散，部份練馬師們則移師往烽火台，靜觀其變。而期間搞到渾身濕透的胡森，索性除咗上衣，露出成身肥腩及周身毛，光脫脫踩單車返宿舍。到八點過後，沙田上空雨勢稍減，各條跑道亦陸續重新開放，給馬匹操練，而到咗9點20分左右，更恢復進行泥地試閘，不過由於有馬匹冇到場，全日三組試閘縮為兩組，而且每組最多只有5駒出試。