電腦產品如非必要，永遠追舊好過追新！首先電腦產品效能，一般遠高於用家實際需要，其次是稍為過期的產品，價錢永遠非常吸引。
最近行腦場發現歐洲品牌Origin EON15-X，佢已經係一年前舊款「打機Notebook」，還記得剛落場時，價位是極高的$28,998，現在機價大幅下調至$16,999，感覺抵玩得恐怖。論機身規格，到今天還是一點也不失禮，須知剛推出時，它可是使用了當時最高的配置！處理器行i7-4790K 4.0GHz四核芯（最高可達4.4GHz）配16GB DDR3記憶體，硬碟使用256GB SSD + 1TB HDD混合式設計，由於機身頗大，是類似Desktop Replacement的設計，所以連獨立顯示卡──NVIDIA GTX980M-8GB，都放了一張入機身之內，不過更重要者，係佢仲行緊舊版Windows 8.1，感覺係咪特別親切？
唯一不滿之處，是機身使用的15.6吋顯示屏，只有1,920×1,080全高清解像度，如果玩埋4K，相信使用性會更高。老實講，以上配置，到今天用來打機還是可行的！不過我就更相中佢嘅執相又或者剪片能力，好過你買砌機，要大大部桌面電腦放屋企。
查詢：DC ONE（深水埗桂林街141A高登電腦廣場新翼1樓38號）
記者、攝影：朱崇德
