89年亞姐冠軍翁虹，自從嫁咗畀第二任老公劉倫浩，定居內地，婚後生咗愛女劉蒔(Crystal)，囡囡Crystal對眼同翁虹一樣咁精靈，翁虹亦不時喺微博貼出母女相!
前日母親節，雖然對媽咪好呢，一年就唔止一日要對佢好，不過佳節當然要同阿媽一齊過啦！翁虹昨日凌晨貼出三代同堂嘅合照，留言：「剛剛才回到住處！這個母親節真的是難忘的，非一般的意義的……」
佢又讚媽咪雖然87歲，腳行動不便，身體亦大不如前，但媽咪仍然發揮「重慶女人」嗰種倔強、剛烈耿直嘅脾氣，嚴格要求自己信守承諾，呢點令翁虹個性從小就潛移默化，影響得自己好深，佢續道：「今天我還堅守著自己做喜歡的事情，哪怕佈滿了荊棘艱難也因為有了你的遺傳，所以讓我一路披荊斬棘，勇往之前！謝謝媽媽祝你健康長壽平安快樂！」
俗語云：「養兒一百歲，長憂九十九。」天下間嘅媽咪都係想仔女生活得好，就已經足夠！