周日喺日本舉行嘅黃金格蘭披治賽，美國飛人基寧喺男子100米決賽以10秒02贏得冠軍，東道主選手山縣亮太就以0.19秒之差得亞。基寧強勢奪冠之後，心情勁靚咁同一班日本粉絲自拍，仲話好滿意自己嘅表現，甚至喺賽前已經有預感會贏。基寧話喺奧運前會參加唔少比賽，希望從中搵到比賽節奏，佢更豪言要喺里奧擊敗保特，成為最強嘅「百米飛人」！