【請假撐場】
大嶼山群育學校東灣莫羅瑞華學校遷往屯門爭議，該校舊生坦言群育有助他們重回主流學校，對社會起正面作用；又指事件反映社會對群育學校缺乏認識，「其實誤會都係源於唔理解」，希望社會藉此認識特殊學校，肯定特殊教育的重要。
指標籤源於不理解
「我喺2000年8月14日入讀，當年讀小四」，該校舊生李浩然現為舊生會副會長，從事電子零件銷售，昨日專誠向公司請假接受訪問，為舊校出分力，「畀大家了解吓學校情況」。他稱年幼時經常逃學，「多年之後遇番個同學，佢都話以前我成日帶佢哋去打交，我諗我當年都係唔聽話」，惟群育的規律生活改變了他，「令到我有自理同自律能力，後尾我初中時一個人住，都一樣冇問題；仲因為要同同學生活，人際關係都好咗」。
李指當年教師的悉心照料使其頑劣改變：「因為老師真係可以畀你問嘢，而且係冇限時，就算我夜晚喊、扭計，佢哋都會花時間照顧我；我當年喺東灣其實好開心，唔明點解大家會標籤我哋？」現為宿舍舊生會會長、學校家長教職會舊生校董的舊生徐先生認為標籤問題源於不理解，「一定冇文件所指嘅情況（黑社會控制、性濫交、邪教活動）；咁當然係曳先入嚟，甚至係啲主流學校搞唔掂嘅case，但我哋好多學生之後都入番主流學校，有啲仲做緊公務員、讀傳理，只係外間唔理解我哋情況」。
■記者葉偉東