盧巧音（Candy）、李蕙敏（Amanda）和趙學而都是90年代歌手，各有幾首夭心夭肺的分手代表作，有網民在facebook開po：「未曾獲最受歡迎女歌手 90年代唱盡女人心」，指她們是至狠女歌手唱盡痛苦，甚至有網友叫她們開復仇者聯盟演唱會。
三位歌手都親自留言回覆，學而抵死反問：「我狠咩？」Amanda回應：「你比較好相與」，Candy就讚兩位的歌曲都好聽，Candy昨在電話說：「未入行前我都有聽佢哋嘅歌，俾人一齊提起好開心。至於復仇者聯盟演唱會，呢個係好好提議，我諗係難得機會，如果有嘅話係開心嘅，多謝大家依然有聽我嘅歌。」
採訪：皓騫