【本報訊】調查發現港人健康生活指數於亞太區排包尾，每日睡覺6.5小時，但就日均上網3.7小時。本報在銅鑼灣進行街訪，有市民表示習慣以手機處理公私事，長期上網難有做其他事或運動時間！
從事保險業的伍小姐坦言，只能日瞓4至5個小時，並已持續失眠2至3年，雖有睇中醫調理，但至今未知成因，認為港人生活壓力處處，難找出成因，故每日都會堅持做十多分鐘柔軟體操減壓。做直銷的王先生表示，雖然日瞓8小時，但因工作模式需以手機處理業務，更日均使用手機上網達4至5小時。
醫生：宜午睡15分鐘
家庭醫生鄭志文認為港人因為沉迷上網，是影響健康生活的元凶之一，「香港人幾乎都夜晚先上網，搞到一、兩點先瞓，十幾歲細路就因為要上網打機啦，廿幾三十歲嘅上班族睇電視劇，佢哋成日頸痛，手指痛嚟睇醫生，都係上網煲劇造成」。
他認為，若失眠維持超過3個月便已是長期睡眠不足，每日平均睡眠5小時或以下，情況最差，「嚴重會出現集中力不足、腦部思想出現空白、脾氣暴躁等症狀」。
他表示解決方法，除了要保持睡眠時間充足，還可以每天午睡15分鐘：「中午瞓15分鐘，相比去游水更有用，如果3晚唔夠瞓，就至少1晚要瞓番夠。」
■記者陳新政、方楚茵