最近政圈流傳，行政會議好快會處理港視再申請嘅免費電視牌照，仲有傳聞話可能快到今日會傾！其實有業界人士話，就算今日行會有決定都唔算快，因為通訊局早前已證實喺今年1月22日已向特首會同行政會議提交有關建議，已經3個幾月。而且港視又唔係第一次申請免費電視牌照，正路行會諗成3個月乜嘢都有結論喇！
至於最後結果係批定唔批，有政界同八方講好難估，因以「一男子」性格理應唔會咁輕易放生，但呢排北京吹和風、再加上北京經過一輪觀察都覺得王維基只係想搞娛樂而唔係政治，畀個牌王維基對香港和諧有好處，而且吸引後生仔去追劇點都好過掟磚！