周日喺廣西舉行嘅里奧選拔賽，大熱門何超喺男子三米板決賽中以536.15分，力壓只得489.90分嘅黃博文奪冠；何超喺總共五站嘅選拔賽中贏足四次，奧運門票基本上已經攞到手。同日舉行嘅女子10米台決賽就出現爆冷賽果，年僅12歲嘅張家齊以408.55分，擊敗世界盃冠軍任茜。不過任茜喺之前嘅選拔賽都攞到唔少積分，如無意外都可以出戰里奧。